KL13NT
Improve Arabic (RTL) text support in programming tools
في مجال الويب بنستخدم برامج كتير زي vscode atom
كتير من البرامج ده دعم العربي بيبقى ضعيف أو مش موجود تمام ممكن نشتغل على دعم العربية في البرامج ده
https://github.com/Microsoft/vscode/issues/11770
اولاً احب اشكرك على مساهمتك دي, وياريت الناس كلها تعمل زيك و نبدأ نشوف نتايج اجابية قريب. :smile:
من المشاكل المشهورة مع محررين النصوص فعلاً هي دعم اللغات اللي بتكتب من اليمين للشمال (pseudo-arabic, syriac). من ضمن برضه البرامج اللي مش بتدعم اللغات دي Sublime Text.
الموضوع مش سهل, يمكن يكون تحديد الـ unicode بتاع اول حرف و استنتاج اللغة منه سهل, لكن الموضوع اكبر من مجرد كده و بس. في برضه مشاكل في الـ rendering.
بص ده كمثال. لو عملنا direction: rtl للسطر كله بناء على انه مثلاً الاكثرية فيه بالعربية فا الواجهة نفسها برضه انجليزية و هيتعارض اتجاهها مع الكتابة, زي اول سطر.
الخطوط عموماً في VSCode مثلاً بتبقى متقسمة tokens. فا لو في طريقة اننا نعدل على الـ HTML بحيث لو الـ token بادئة عربي نخليها dir='rtl' اظن ممكن تتحل المشكلة زي الصورة السطر الاخير.
الكلام ده ممكن نقول انه ينطبق على اغلبية المحررين اللي بيشتغلوا على Electron. غير كده معرفش الحقيقة.
عرفت دلوقتي ان VSCode حاطين دعم الـ RTL في خريطة الطريق بتاعتهم, بس معرفش اولويتها ايه.
الظاهر ان في بالفعل جهود بتحصل عشان يضيفوا الـ RTL في VSCode https://github.com/microsoft/vscode/issues/86667
لسه لحد دلوقتي مفيش تطور في الموضوع ده. الفريق بتاع VSCode قالوا من فترة كبيرة جداً (اكتر من سنتين) ان الموضوع ده على الـ backlog بتاعتهم بس لحد دلوقتي مفيش اي تطور تجاهه.